协会动态
会员来信|一个发自中国兰州的祝福短视频引起反响
会员来信|一个发自中国兰州的祝福短视频引起反响
发布日期：2020-12-23 16:59
发布时间：2020-12-23 17:40 来源：全国世协秘书处
张富德
我用电子邮件给国外世界语朋友们发送了柴诞节和迎新年祝福视频，引起了国外一些世界语元老的积极回应。他们之中有SAT前主席，SAT-Amikaro秘书长Henri Masson、加拿大国际世界语大会LKK主席Normando Fleury、德国德累斯顿的Frank Nitzsche博士、法国世界语联盟负责人Yves Nicolas、法国德龙省世界语联盟主席Gaston Riste、法国佩里格世界语协会副主席Claude Labetaa等等。
Okaze de la Zamenhof-tago kaj baldaŭ venos la nova jaro, Mi faris filmeton por saluti al diversaj landaj amikoj. Mi elkore deziras, ke ili ĉiuj estu sanaj, pacaj kaj feliĉaj. Samtempe mi atentigis, ke la epidemio ankoraŭ ne foriras, la sankrizo ankoraŭ ombras la teron, kaj ni ĉiuj devas plu zorge singardi. Mia filmeto kaŭzas eĥojn el kelkaj veteranaj esperantistoj de Francio, Germanio kaj Kanado. Jen la respondoj de ili:
Saluton Virto
Dankon por via salutvideo.
Ankaŭ ni esperas ke ĉio solviĝos kaj ke la mondo pli bone fartos en 2021.
Akceptu niajn bondezirojn por 2021.
Normando Fleury
Prezidanto LKK UK Montrealo 2022
Kara Fude,
Kortuŝas min viaj fruaj bondeziroj por la jaro 2021. Bedaŭrinde mi vidas ke kelkaj el ni ne povos ĝin ricevi ĉar la aldonita video estas tro "peza" en mb por ili (18 mb).
Mi reciproke deziras al vi feliĉan novan jaron kun espero, ke ĝi alportos al vi tion, kion bezonas la tuta homaro: sanon (ĉefe, precipe nun), pacon, kaj feliĉon.
Mi aldonas bildon pri nia ĉi jara pikniko borde de la rivero Yon.
Sukcesojn en via agado.
Amike.
Henri (Ĝenerala konsilanto de SAT kaj Ĝenerala sekretario de SAT-Amikaro)
Kara Henri,
Mi tre ĝojas pro via respondo tiel rapida. La fotobildo estas tre bela. Dankon!
Mi ofte legas vian libron "LA HOMO KIU DEFIIS BABELON", kaj ofte memoras la agrablan viziton kun vi en la bela urbeto. La strateto, la ĉevalĉaro, la kastelo kaj la belega vilaĝo...
Mi esperas, ke ĉio solviĝos en la nova jaro kaj ke la mondo pli bone fartos en 2021.
Amike salutas,
Fude
P.S La bildo estas fotita dum la 13-a Ĉina Esperanto-Kongreso en novembro 2019, kiam mi gajnis la premion de "Esperanta Bel-voĉo" en E-deklama konkurso.
Kara Fude,
Mi tre ĝojas pro via meritita premio. Gratulojn al vi. Tio estas tre kuraĝiga.
Dankon pro via foto.
Ĉi matene, la ĉielo estis belkolora kiam mi iris malfermi la ejojn de miaj tri kokinoj kaj tri kuremaj hindiaj anasinoj ;-) Sed nun ĝi estas grize nuba kaj pluvema :-(
Jes, la mondo vere bezonas saĝecon kiu estas esenca kondiĉo por pli bonstata homaro.
Amike.
Henri
Kara Fude,
koran dankon por via tre interesa filmeto kaj la novjaraj bondeziroj. Mi deziras al vi kaj viaj familianoj afablajn kristnaskajn festotagojn kaj por la nova jaro 2021 sanon kaj feliĉon.
Nia E-grupo lastfoje renkontiĝis dum oktobro kaj ĝis mezo de la venonta januaro ne plu ĉar la epidemio nur nun ĉe ni atingis la pinton kaj oni ŝlosis la gastejojn kaj ankaŭ la lernejojn.
La klinikoj estas plenplenaj. Precipe mankas geflegistoj. Mi ankoraŭ bonfartas.
Amike
Frank (D-ro en Dresden)
Kara Fude,
Dankon pro via amika mesaĝo por celebri la 15an de decembro. Bedaŭrinde mi ne sukcesis malfermi vian alkroĉitaĵon...
Mi esperas vin kaj viajn familianojn bonfartaj dum tiu stranga periodo kiun travivas la tuta Homaro. Espereble, tiu tutmonda krizo helpos nin pripensi vivmanierojn pli respektemajn al la naturo kaj ĝiaj trezoroj kiujn ni tro ofte rabas kaj elĉerpigas.
Fartu bone.
Yves
Kara Fude,
Dankon pro viaj bondeziroj, via estontaĵo estu favora.
La membroj de Bona Stelo maljuniĝas, malsaniĝetas, sed neniu estas trafita de la epidemio.
Elkoran saluton de ĉiuj.
Gaston Riste. (Prezidanto de DEF)
Kara Fude,
Mi kore dankas vin pro via tre bela filmo. Mi plezure rekonis kelkajn personojn kaj lokojn de Perigordo. Ankaŭ viaj paroloj estas tre interesaj kaj trafaj.
Sed nia franca publiko komprenos nek la ĉinlingvajn nek la esperantlingvajn subtekstojn kaj bezonos franclingvajn. La ĉinparolantoj aŭ esperanto-parolantoj rekte komprenos vin ĉar la sonkvalito estas tre bona. Kaj aldoni francajn subtektojn, kiuj venos pli-malpli kaŝi viajn ĉinlingvajn kaj esperantlingvajn igos la tuton malfacile legebla.
Ĉu vi konservis version sen subtekstoj de via filmo? Se jes, bonvolu sendi ĝin al mi. Se ne, mi provos elturniĝi malpligrandigante la filmon por loki francajn subtekstojn ekster via filmo, do ne zorgu pro tio.
Mi esperas, ke mia peto ne aldonos pezan laboron al vi.
Mi denove kore dankas vin.
Amike.
Claude
PS: Ĉu vi praktikas virtualajn renkontiĝojn per Zoom, Skajpo aŭ alia rimedo? Mi intencas festi tiumaniere la venontan Zamenhof-tagon.
责任编辑：柴晶晶
分享到：