Putin emfazis: "Dirite en pli larĝa senco, ni antaŭenigas la prosperon de Rusio kaj Ĉinio per plivastigo de egala kaj reciprok-profita kunlaboro en la ekonomia kaj kultura kampoj.

Ni antaŭenigas la starigon de justa multpolusa monda ordo per plifortigo de diplomatia kunordigo. "

Putin diris: "Rusio kaj Ĉinio estas intime ligitaj generacioj post generacioj, ni ne nur havas longan komunan landlimon, sed ankaŭ daŭrigas oftajn kulturajn interŝanĝojn.

Estas 90 mil lernantoj en universitatoj, mezlernejoj kaj bazlernejoj, kiuj lernas la ĉinan lingvon. Prezentadoj kaj ekspozicioj de grupoj kun ĉinaj artistoj akiris grandajn sukcesojn. Daŭre kreskas la nombro de turistoj, kaj pli ol 730 mil rusaj civitanoj vizitis Ĉinion pasintjare."

Rusio funkcias kiel la rotacia prezidanto de BRICS ĉi-jare. Putin diris: "Unu el la ĉefaj celoj de Rusio kiel rotacia BRICS-prezidanto estas helpi novajn membrojn integriĝi en nunan kunlaboran mekanismon.

La aliaj celoj estas daŭrigi kunordigan laboron, plifortigi la aŭtoritatecon de BRICS-landoj en tutmondaj aferoj kaj plifortigi sian kapablon antaŭenigi pli demokratian, stabilan kaj justan internacian sistemon."